Ocean of flying dreams...

                       

 Ocean of flying dreams.

This is the time.

To dream up and rise above the high.

Beat your fears and glorify.

These dreams might look once futile.

Keep flying…Keep flying…Keep flying.

This is the age.

To jump into the ocean of flying dreams.

Chase for the dreams until it is achieved.

Some of dreams might look strenuous.

Keep flying…Keep flying…Keep flying.

Real dreams will test your passion and the soul.

Making your move hardly possible.

Nothing is easy when you are lazy.

Life is full of one-way road.

When you are all alone.

Keep flying…Keel flying…Keep flying.

You have ability to achieve your dreams.

Grab it, live it, sense it, feel it.

Nothing looks impossible for chasers.

Make it possible and bloom.

For everyone who ever thought it was impossible.

Keep flying…Keep flying…Keep flying.

Hi guys this is poem written by me on Vivekananda memorial at Kanyakumari in Oct.2017

©

Kaushik shrotri

Film Review--Faster Fene

नुकताच  फास्टर  फेणे चित्रपट  पाहण्याचा  योग  आला . भा.रा .भागवत  ह्यांचं फास्टर फेणे पुस्तक  मी वाचलं नसल्यामुळे मला फास्टर फेणे ह्या पात्राविषयी जास्त माहिती नव्हती. सिनेमा अगदी नावाप्रमाणे फास्ट आहे.
बनेश फेणे ( अमेय वाघ) त्याची मेडिकल ची परीक्षा देण्यासाठी पुण्यात येतो.पुण्यात आल्यावर त्याची गाठ एका ध्येयवेड्या मुलाशी पडते. नेमका त्या  ध्येयवेडा मुलाचा मृत्यू होतो.परीक्षेच्या काही मिनिटे आधी त्या मुलाची बनेश शी गाठ पडली असल्यामुळे बनेश ला ही बाब रुचत नाही. तो पूर्णपणे  घटनेच्या मुळाशी जाण्याचे ठरवतो. घटनेचा शोध घेत असताना त्याला भा. रा. भागवत (दिलीप प्रभावळकर ),त्याची जुनी मैत्रीण अबोली(पर्ण पेठे ) आणि भूभू (शुभम मोरे) ह्यांची साथ मिळते. ह्या घटनेचा शोध घेत असताना बरेच मोठे गूढ समोर येते जे पाहून प्रेक्षक ही चकित होतात.
सिनेमाची कथा नावाप्रमाणे फास्ट आणि सुसाट आहे जी कुठेही अडखळत नाही.अमेय वाघ फास्टर फेणे च्या भूमिकेच्या पूर्ण खोलात शिरला आहे.त्याला इतर कलाकारांनी मस्त साथ दिली आहे. दिलीप प्रभावळकर भा. रा. भागवत ह्यांच्या भूमिकेत सहज छाप पडतात.इथे विशेषतः multitalented गिरीश कुलकर्णी ह्यांचा खलनायक प्रेक्षकांना मस्तपैकी घाबरून सोडतो. सिनेमा कुठेही  रेंगाळत नाही.सिनेमा सर्व बाजूनी उत्तम आहे. सिनेमाची नायिका नावापुरती आहे.सिनेमा पाहत असताना फास्टर फेणे चा चपळपणा अंगात भिनतो.  
 तर फार विचार न करता एक ताकदीच्या सुसाट शोधकथेचा आस्वाद घेण्यासाठी व फास्टर फेणे नावाच्या बुलेट ला अनुभवण्यासाठी सिनेमा नक्की पाहावा. 

परीक्षण:-कौशिक श्रोत्री,इचलकरंजी 
©

पुस्तक परीक्षण :- अंतर्बाह्य ,लेखक:- रत्नाकर मतकरी

नुकतंच  मराठी भाषेचं नवीन विषय असलेलं पुस्तक ''अंतर्बाह्य '' वाचून झालं . रत्नाकर  मतकरी ह्यांचं पुस्तक ह्या आधी मी कधीच वाचलं नसल्यामुळे सदरचे पुस्तक वाचताना मी खूप उत्साहित होतो. गूढकथाप्रेमींना  हे पुस्तक त्यांच्या विचारसरणी आणि कल्पनाशक्तीला प्रचंड खाद्य पुरवणारं आहे. गूढकथा आणि भयकथा ह्यांच्यातला फरक कथेच्या सुरवातीला अतिशय सोप्या भाषेमध्ये सांगितला आहे . सदरच्या पुस्तकामध्ये सर्व कथा ह्या गूढतेने  आणि भयाने मनसोक्त घाबरून सोडतात.विशेषतः ''कोळसा '' आणि ''haunted house '' वाचत असताना प्रत्येक शब्दामध्ये गूढता आणि भय लपलेले आहे . सदरचे पुस्तक हे गूढकथा  व  भयकथा लेखकांसाठी आणि वाचकांसाठी पर्वणी आहे.
एकदा वाचाच ...
माझ्याकडून फर्स्ट क्लास ...
लेखन -कौशिक श्रोत्री ....
©

Judwa 2 review

कथाशून्य,अतिअभिनय,अतिकर्कश नाच,1980 च्या काळाप्रमाणे 2017 ला वागण्याचा केला गेलेला फसवा प्रयत्न....

थोडक्यात.....

शोरूम मध्ये नवी कोरी original करकरीत बुलेट असताना ही देखील ती न घेता third hand बुलेट घेऊन तिला जरा उगीच रंग देऊन त्याची अवस्था ही न पाहता girlfriend  ला इंप्रेस करण्याच्या केलेला केविलवाणा प्रयत्न....
माझ्याकडून 100 पैकी 20 मार्क
Storytellerkaushik....

वल्ली डे...

मध्यरात्रीचे साडेतीन वाजले होते.समस्त वस्त्रनगरी झोपलेली होती.रस्ते निर्मनुष्य झाले होते.तुरळक कुत्र्यांचा व खटाकक ... छटाक...  असा पॉवरलूम चा आवाज सोडल्यास रस्त्यावर भयाण शांतता पसरलेली  होती.घड्याळाचा काटा मुंगीच्या वेगाने पुढे जात होता. एक प्रकारचे गूढ वातावरण पसरले होते.ह्या गूढ वातावरणामध्ये  चंद्र ही शांतता  आणखीन गूढ करत  होता. हळूहळू गूढ  शांतता शहरावर ताबा मिळवत होती.
अचानक कुत्र्यांचा भुंकण्याचा जोरजोरात आवाज आला आणि ही शांतता लुप्त झाली.Cheetah च्या  वेगाने  एक  Mercedes  Benz शहरातल्या  रस्त्यावरून  सुसाट वेगाने  ठाण्याला निघाली  होती.मध्यरात्री पसरलेल्या  भयाण शांततेचा  अक्षरशः चिरफाड करत ही गाडी वस्त्रनगरी इचलकरंजी पार करून कोल्हापूरच्या  दिशेने जात होती. इचलकरंजी चे  सुप्रसिद्ध उद्योजक डी .के आपल्या  तरुण ड्राइवर बरोबर मुंबई ला वकिलाला भेटण्यासाठी निघाले होते.डी.के  म्हणजे  व्यवसाय  आणि प्रयोगशीलता ह्यांचा घनिष्ट उगम होता.गाडीचा ताबा तरुण ड्राइवर कडे होता.मध्यरात्री ३. ००ला साहेबांनी फोन  करून  उठवलं  असल्यामुळे  तो अर्धा  जागा व अर्धा झोपेत होता आणि मनातल्या मनात डी . के साहेबांना  मनसोक्त कोल्हापूरी शिव्या घालत होता.मध्यरात्री उठून गाडी चालवण्याची त्याची पहिलीच वेळ होती . सकाळी ४. ०० वाजता  गाडी शिरोली पार करून कराडच्या दिशेने निघाली होती. डी.के साहेबांचं व्यक्तिमत्व म्हणजे ह्रितिक रोशन आणि देव आनंद ह्यांचं  अनोखं मिश्रण होतं. ह्रितिक सारखा गोरा वर्ण व तगडी शरीरयष्टी,देव आनंद स्टाइल उत्साह,सहा फूट उंची,वय ६०, १९८० काळातला लावलेला चष्मा,अनुभवाने पांढरे झालेले केस ,बोक्याची नजर असलेले गूढ डोळे,सतत तणावामुळे गौतम गंभीर झालेला चेहरा ह्यामुळे ड्राइवर डी.के साहेबांशी बोलताना खूप विचार करून बोलत होता . 

कोल्हापूर वरून गाडी कराडच्या दिशेने निघाली होती.आजचा प्रवास ड्राइवर चा कस पाहणारा होता कारण डी.के साहेबांनी नव्या गाडी च्या  gear box आणि engine मध्ये प्रचंड प्रयोग केले असल्यामुळे गियर टाकताना ड्राइवर ला दात  ओठ  खाऊन  गियर  टाकावा  लागत  होता . Mercedes वर प्रयोग करणारा हा जगातला पहिला येडा माणूस असे ड्राइव्हर ला वाटत होते . Mercedes Benz वर प्रयोग करणे म्हणजे माधुरी दीक्षित ला सिनेमा सोडून खेळामध्ये करिअर कर  असं सांगण्याचा  प्रकार होता . 

सकाळी ७.३० ला गाडी साताऱ्याजवळ  पोहोचली.ड्राइवर ला प्रचंड भूक लागली होती. त्यात आणखीन एक भर होती ती म्हणजे Mercedes सारखी गाडी असताना देखील A.C अजिबात नं लावता त्याच्या साहेबांनी त्याला गाडीच्या  काचा  उघड्या  ठेवण्यास  सांगितले होते आणि गाडीमध्ये टेप  असताना देखील तो बंद ठेवून साहेब त्यांच्याकडे असलेला radio मधून "मे जिंदगी का साथ निभाता चला गया" गाणं ऐकत सिगारेट ओढत होते.  साहेब  सतत  धूम्रपान  करत  असल्यामुळे ड्राइवर ला  बाहेरच्या हवेचा  कमी गाडीत असलेल्या  सिगारेट च्या  धुरामुळे जास्त  त्रास  होत होता.हा  प्रवास ड्राइवर चा अंत  पाहणार होता.ड्राइवर  ने  गाडी थांबवू का असे विचारल्यावर त्याच्या साहेबांनी त्याला हातानेच इशारा करत गाडी न थांबवण्याचा इशारा दिला.ड्राइवर ला प्रचंड राग आला कारण त्याचे साहेब त्याला बऱ्याचदा हातानेच इशारा देत असत व स्वतः ड्राइवर शी खूप कमी बोलत असत .सकाळी ७.५० ला डी.के साहेबांनी सातारा शहरामध्ये  एका सुप्रसिद्ध हॉटेल मध्ये ड्राइवर ला गाडी  थांबवण्यास सांगितले.दोघांनी गाडीमधून  उतरून फ्रेश होऊन सकाळच्या नाष्ट्याची ऑर्डर दिली.ड्राइवर नं  इडली सांबर व चहा मागवला व साहेबांनी डोसा मागवला.डोसा व इडली संपवून दोघे निघणार एवढ्यात डी.के साहेबांना कॉफी प्यायची हुक्की आली व पुढचा प्रसंग पाहून ड्राइवर पुरता वेडा झाला.डी.के साहेबांनी  वेटर ला २४ वेळा  कॉफी आणण्यास सांगितली .डी.के एक कप कॉफी पिणार आणि परत वेटर ला बोलवून परत कॉफी ची ऑर्डर देणार हा क्रम  २४ वेळा  चालू  होता. हॉटेल  चा मालक डोळे विस्फारून हे सर्व पाहत होता. ड्राइवर देखील पूर्ण वेडा होऊन हे दृश्य पाहत होता.वेटर ने २४ वेळा स्वयंपाघरात  जाऊन डी .के साहेबांना  कॉफी दिली होती आणि त्यांनी कॉफी २४ वेळा प्राशन केली होती.२४ वेळा  स्वयंपाघरात जाऊन वेटर देखील अर्धवेडा होत होता व त्याच्याकडे पाहून डी.के निर्विकार होते.  

 अखेर नाष्टा करून  पुढच्या प्रवासासाठी  दोघे निघाले. सकाळचे  बरोबर १०.०० वाजले होते आणि गाडी नुकतीच पुण्यात प्रवेश करत होती.वकिलाने दुपारी १२. ४५ वाजता बोलावले होते. किंचितही उसंत न घेता गाडी मुंबई च्या दिशेने निघाली. बरोबर १२. ३० ला वकिलांच्या ठाण्याच्या घराजवळ गाडी थांबली व ड्राइवर ने सुस्कारा सोडला.ड्राइवर गाडीचा दरवाजा उघडणार एवढ्यात :-

''अरे... मी महत्वाची फाईल घरीच विसरलो .आपण परत इचलकरंजी  ला घरी जाऊ ...फाईल  घेऊन  आपण परत  येऊ.मी वकील साहेबांना तसं कळवतो.''

Girl friend शी  ब्रेकअप झाल्यावर जेवढी चीड येत नाही तेवढ्या दुपटीने चीड ड्राइवर ला आली होती.ड्राइवर प्रचंड चिडला होता.त्याच्या मनात आलं हा सुप्रसिद्ध उद्योगपती साधी फाईल आणू शकत नाही... नोकरीत हाथ बांधील असल्यामुळे तो काहीच बोलू शकत नव्हता .गाडीच्या शेजारी त्याला मोठा दगड दिसला .  

पण ... 

मनातल्या मनात तो विचार करत होता... 

तो दगड .... आणि ... 

डी.के  साहेब... प्रयोग केलेली Mercedes benz...आणि  मी ...  

लेखक-कौशिक श्रोत्री

वितरणाचे सर्व हक्क अबाधित.

सहज आठवलं

तुझी सुंदरता,मोहकता, गोड आवाज ह्यात मी ओला चिंब होऊन स्वतःला विसरलो.
पण......
तुझ्या attitude ने ....एका क्षणात मी स्वतःला ओळखून बाजूला झालो ☺️☺️☺️☺️☺️
कौशिक.  

Book review-निळा सावळा लेखक-जी ए कुलकर्णी

27 वर्षाचा तरुण नुकतीच करकरीत नवीकोरी बुलेट घेतो.तो बुलेट वरून प्रचंड जोशात रोड ट्रिप साठी बाहेर पडतो.तो आंबा घाटात पोहोचतो.आंबा घाटात बुलेट चा फडफड....आवाज करत तो पुढे जातो.पण आंबा घाटात वेडीवाकडी वळणं आणि चालू असलेला सुसाट पाऊस त्याच्या सहनशक्तीचा अंत पाहतात.तो आंबा घाट बुलेट वरून पूर्ण करण्यासाठी सहनशक्ती पणाला लावतो.पुढे घाट संपून त्याची बुलेटआणि तो एका खड्डायुक्त मार्गावर येतात.पुढे हा रस्ता पार करताना त्याची आणि बुलेट ची सहनशक्ती व संयमाची परीक्षा सुरू होते.मनातल्या मनात तो विचार करतो कुठे आपण उगीचच ह्या माहिती नसलेल्या दिशेने जात आहोत.अखेर पाऊस कमी होत जातो व एकदाचा हा मार्ग त्याला गणपतीपुळ्याच्या जवळ घेऊन जातो व तो मनातल्या मनात सुस्कारा....सोडतो

परीक्षण-कौशिक श्रोत्री
वितरणाचे सर्व हक्क राखीव.